Monday 29 July 2013

NONGMEI

chahi humphu hellaba nongmei
ngasisu phakhang sarigum mukli
numidang pung nipanga thakharadi
laokhongbada lambida mee chatnade
dukan hangbasu ude,
maikei mari sungdai nipan
nongmei kidaba leite
eikhoigi ningthousu nongmei
haiphetti kibagi mawongne
shel panbi ujaodu
khanthada pikhiba ngamme,
pumnamakna nongmeibu tinanaba hotney
shakpo kakladi nongmeisu matao sanei
yanggangba ngaoudusu nongmeiga
khangnarabanina shelna mashak oiduna
bhup bhup laoba mashak mataou lummaba
keisamgi homeshwori matu oikhi,
luhongba nungdangda nongmei
khara henkhibaduna
malomda makhoi taramathoigi thawai satli,
imphal talkies tagi thoklakpa numittuna
manorama da lai oknakhi,
jwarda shel mangba numittani
matuna nongmeibu phanekna kanba makhei saokhi
lambida maipak mache luhongbagi
lising kunthara yaoba ubada
nongmeina maipak leipakta phumkhi,
nongmeigi waari tarambadagi
ei makhal makhalgi akiba horakee
hakchangse soom soom piksallakee
soom piksallakpadagi
kangthol makhada changduna
kangthol gi makhong thanggatliba
chektugi marumda ei lottuna leiri. 

No comments:

Post a Comment